Sakkutuutut ilinniarnerit

Sakkutuujunikkut arlalinnik ilinniagaqartoqarsinnaavoq – inuutissarsiuteqarnissaq siunertaralugu ilinniakkat aammalu pisortassatut ilinniakkat eqqarsaatigalugit. Sakkutooqarneq  arlalinnik immikkoortortaqarpoq: sakkutuut nunaannarmiut, timmisartortartut aammalu imarsiortut. Ilinniarnerit sakkutuujunermik aammalu faginik immikkuullarissunik immikkoortortaqarput. Ilinniakkat ataasiakkaat takuniarukkit una alakkaruk: www.ug.dk/Uddannelser/politiogforsvar.aspx 

Namminersorlutik Oqartussanit tapiffigineqarneq:
Sakkutuujulluni ilinniarneq akissarsiaqarluni ingerlanneqartarpoq.

Tiguneqarnissamut misilitsinnermut uppernarsaatitalimmut aammalu/imaluunniit sakkutuutut ilinnialernissamut atatillugu angalaneq Namminersorlutik Oqartussat akilertarpaat. Aamma linnialernissamut atatillugu angalaneq Namminersorlutik Oqartussat akilersimappassuk  ilinniarnerup naammassereernerani angerlarnissamut tapiissuteqartoqarsinnaavoq. Annerusumik ilitsersuunneqarnissamik pisariaqartitsiguit Piareersarfik nunanniittoq imaluunniit Kalaallit Illuutaat attavigikkit.