Kalaallit Nunaata avataani ilinniarnermi ilinniagaqarnersiat
Akiliunneqarluni angalanerit
Akiliunneqarluni angalanermi periarfissaq akikinnerpaaq tamatigut atortassavat.
Illoqarfiup angerlasimaffippit ilinniagaqarfigisassavillu akornanni angalanissannut ilinniarnerpit atuarnerpilluunniit aallartinnerani naammassineranilu akiliunneqarlutit angalassaatit.
Atuarnissat qaammatinik qulinik sivisuneruppat qitornatit aamma akiliunneqarlutik angalasinnaapput. Piumasaqaataavorli meeqqat naammaginartumik inissaqartinneqarlutillu paarineqarsinnaanissaat. Atuarnerit qaammatinik qulinik sivikinneruppat taamaallaat qitornatit suli atualersimanngitsut akiliunneqarsinnaapput, tassanilu aammattaaq piumasaqaataavoq meeqqat naammaginartumik inissaqartinneqarlutillu paarineqarsinnaanissaat.
Aapparisat /inooqatigisat akiliunneqarluni angalasinnaavoq, qitornatit akiliunneqartussaappata - taamaallaalli atuarnissat qaammatinik qulinik sivisunerussappat.
Atuanngiffimmi akiliunneqarluni angalanerit
Aasaanerani atuanngiffiup nalaani ilinniagaqarfinniit illoqarfimmut angerlasimaffigisannut akiliunneqarnissannik qinnuteqarsinnaavutit.
Pisattat angallannerat
Qitornatit akiliunneqarlutik angalanissaminnut akuerineqarsimappata pisattavit containerimut annerpaamik 6 m3-itut angitigisumut poorlugit angallanneqarnissaannut akiliunneqarnissat qinnutigisinnaavat. Pingasunik sinnerlugilluunniit qitornaqaruit containerit marluk imaluunniit usit tamalaat 12 m3 tikillugit initussusillit nassiunnerinut akiliunneqarsinnaavutit. Taamatuttaaq ilinniartut aappariit angalaqatigiissut pisattamik nassiunnerinut akiliunneqarsinnaapput, aappaata ilinniarnissaa qaammatit 24-t sinnerlugit sivisussuseqarpat.
Nammineq sillimaasiinerit
Sillimmaseereersimanngikkuit (pisattanut, tillinniarfigitissinnaanermut aamma ikuallattoornissamut sillimmasiineq) tuaviortumik sillimmasiinissat eqqarsaatigisariaqarpat. Suliamut atatillugu kattuffimmi ilinniartutut ilaasortaasut, akikitsumik sillimasiinissamut periarfissaqarsinnaasarput. Taamaanngippat sillimmasiisarfiit assigiinngitsut tusarniaavigikkit, ilaat inuusuttunut pisataqarpallaanngitsunut immikkut sillimmasiisinnaasarput.
