Kalaallit Nunaanni højskolimiinneq

Kalaallit Nunaanni marlunnik højskoleqarpoq:

• Knud Rasmussenip Højskolia - Sisimiut
• Sulisartut Højskoliat – Qaqortoq

Højskolit ilinniartut 20-it ukiumut marloriarlugit tigusarpaat - upernaakkut aamma ukiakkut.

Toqqaanermi tunngaviit:

• nunap immikkoortortai tunngavigalugit agguaaneq

• højskolernermi angusassanik naliliineq

• qinnuteqartoq meeraqqarpat nalunaarneqassaaq meeraq/meeqqat højskolernermi sumi najugaqassanersut

Højskolit ilinniartussatik namminneq qinertarpaat sinnerilu tiguneqanngitsut nalunaarfigisarlugit.

Højskolimut qinnuteqarneq:

Qinnuteqarnermi immersugassaq immikkoortoq atorneqassaaq. Qinnuteqarfissaq kingulleq qinnuternermi immersugassami allassimavoq, taannalu uani pissarsianeqarsinnaalluni www.krh.gl aamma www.sulisartut.gl

Aningaasat akuersissutit:

Ilinniartunut tiguneqartunut aningaasat akuersissutit højskolit isumagisarpaat.

Angalanerit:

Højskolini ilinniartussat billitsissaat højskolit tunniuttarpaat – ilaatigut qinnuteqartup kommuneqarfia isumaqatigalugu. Angalanermut atatillugu pisarialimmik unnuisoqarsinnaanera pillugu isumaqatigiissuteqartoqassaaq – tak. ilinniagaqarnersiutit pillugit nalunaarummi § 52.

Tapiinermi malittarisassat:

Højskolit pillugit Inatsisartut peqqussutaat nr. 9 21. maj 2002-meersoq malillugu højskolimiinnermi akiliutit 25%-nik aamma 75%-nik avinneqartarput 25%-it ilinniartumit matuneqartarlutik 75%-illu ilinniartup kommunianit.

Nunatsinni Qaqortumi Sisimiunilu højskolinut marlunnut taakkununnga Kultureqarnermut Ilinniartitaanermut, Ilisimatusarnermut Ilageeqarnermullu Naalakkersuisoqarfiup akiligaannik højskolernissaq suli qinnutigineqarsinnaassaaq. Qinnuteqarfissaq kingulleq atuarfiit qinnuteqarfissiaanni ukunani pissarsiarineqarsinnaasuni allassimassapput www.krh.gl aamma www.sulisartut.gl

Ukununnga tapiuteqartoqarneq ajorpoq:

• Meeqqanut tapisiat

• Ilaqutaqaraanni taakkua angerlanerannut højskolimiinnerannilu aningaasartuutit

• Kalaallit Nunaanni avataaniluunniit pilersukkanut pisussaaffiit

• Oqorutit puuinik/sinngup puuanik attartorneq

• Atisat timersuutit

• Nipilersuutit

• Paasisassarsiorluni angalanerit atuarnermut tunngasuunngitsut

• Atortut sunngiffimmut attuumassutillit

• Sikkilit

• Siullermik aappassaanillu højskolimiinnerup akornanni juullisioriarluni angalaneq

• Juullimi (sunngiffinnilu allani) ineqarneq

Ilinniarnersiutit:

Ilinniartut sapaatip akunnerini minnerpaamik 13-inik sivisussusilimmi højskolimiinnermut taperneqarnissamut akuerisat ilinniarnersiutinik nalunaarummi malittarisassat malillugit ilinniarnersiuteqartarput. Taamaattorli ilinniartoq akiliinani ilinniarnersiuteqarluni taamaallaat angalasinnaavoq højskolernerup aallartinnerani, taamaatinnerani naammassineranilu aammalu nerisanut ineqarnermullu aningaasarsiat ilanngaatigalugit.