Ilinniarnertuunngorniartarneq

Ilinniarnertuunngorniarneq sunaava?

Ilinniarnertuunngorniarneq Aasianni, Sisimiuni, Nuummi Qaqortumilu GU, HTX aamma HHX tunngavigalugit pilersinneqassaaq.

Sooq ilinniarnertuunngorniarneq?

Ilinniarnertuunngorniarfimmi ilinniakkat sammivii assigiinngitsorpassuit soquti­gisannut ilinniagaqaqqinniarnernullu naleqqussakkat neqeroorutigineqarput.

Pissanganartumik ilinniagaqarneq siunissaavoq:

• Atorfinnut amerlanerungaartunut periarfissaqassaatit. Atorfinni amerliartuinnartuni ilinniagaqarsimanissaq piumasaqaataaleriartorpoq.
• Akissarsiaqarnerulernissamut periarfissaqassaatit.
• Ilinniakkani annertuumik ineriartussaatit, kisiannili aamma inuttut inuttullu atugarisatigut annertuumik ineriartussallutit.

Ilinniarnertuunngorniarnermi suna piumasaqaataava?

Ilinniarnertuunngorniarfimmi aallartissaguit 10. klassimi killiffimmi karakterini, suliniummik suliaqarnermi inaarutaasumillu tamanit pinngitsoorani misilitsiffiu­sussani tamani minnerpaamik karateri E angusimassavat. Aammattaaq ilinniartut   immikkut akuerineqarnikkut aallartissinnaapput, kisiannili ilinniagaqalernissamik qulakkeerinniffigineqanngillat. Periarfissaq kingulleq tassaavoq ilinniagaqalernissa­ mut misilitsinnikkut ilinniagaqarnermik aallartinneq. Taanna meeqqat atuarfianni naammassereernerup kingornasiusinnerpaamik upernaakkut ingerlanneqassaaq.

Ilinniarnertuunngorniarneq nutaaq imaappoq

Ilinniarnertuunngorniarneq tunngaviusumik ilinniagaqarnermik aamma ilinniakkami sammivimmik ilinniagaqarnermik aaqqissuussaavoq.

Tunngaviusumik ilinniarneq

Tunngaviusumik ilinniarneq ukiup affaanik sivisussuseqarpoq. Tunngaviusumik ilinniarneq ilinniarfinni tallimani tamani assigiippoq. Tunngaviusumik ilinniakkat kalaallisoorneq, qallunaatoorneq, tuluttoorneq, matematikerneq, kulturimik ilinniarneq, science aamma timersorneq ilinniarneqartarput. Tunngaviusumik ilinniarnerup kingorna ilinniakkap sammivia aallartinneqartarpoq.

Ilinniakkap sammiviani ilinniarneq

Ilinniakkap sammiviani ilinniarneq ukiut pingajuata affaanik sivisussuseqarpoq.

Ilinniakkat sammivii toqqarneqarsinnaasut katillugit arfineq pingasuupput.

Ilinniarnermik aallartinnginnermi ilinniakkap sammivia siumut nalunaarutigineqas­saaq. Siumut nalunaaruteqarneq pituttuinngilaq, tunngaviusumillu ilinniarnermi ilinniakkap sammivianik inaarutaasumik toqqaasoqartarpoq.

Ilinniakkap sammivianik toqqaaneq

Nutaaq tassaavoq ilinniarnertuunngorniarfimmi aallartinnginninni ilinniakkap sammivia toqqakkat nalunaarutigissagakku. Soqutigisat malillugu aammalu kommu­nerisanni ilinniakkap sammivia ilinniarneqarsinnaasoq malillugu ilinniakkap sammivia toqqassavat. Ilinniakkap sammivia kommunerisanni neqeroorutigineqan­ngippat kommunerisavit avataani ilinniakkap sammivianik toqqaasinnaavutit.

Kommunini sorlerni ilinniakkat sammivii neqeroorutigineqarnersut tabelimi takusin­naavatit. Malugiuk ilinniakkat sammivii assigiit assigiinngitsunngorlugit neqerooruti­gineqartut – assersuutigalugu Sisimiuni teknikikkut pinngortitamik ilisimatusarnermiilinniakkap sammivii pingasut. Ilinniakkat sammivii arlallit ilaatigut ataatsimoortin­neqarput.

Læs om studieretningerne på den gymnasiale uddannelse her

Hent oversigt over studieretninger her.

Ilinniarnertuunngorniartarneq, Qaqortoq
Ilinniarnertuunngorniartarneq, NI Qaqortoq