Ilinniarnertuunngorniartarneq

Sunaagami Ilinniarnertuunngorniarfik?

Ilinniarnertuunngorniarfik GUX Aasianni, Sisimiuni, Nuummi Qaqortumilu ingerlanneqartarpoq.

Sooq ilinniarnertuunngorniarfik?

GUX ilinniakkatigut assigiinngitsunik sammiveqarpoq, illit soqutigisannut ilinniaqqiffigerusullugulu angorusutannut tulluussagaq. Ilinniakkap pissanganartup ukua aqqutissiuutissavai:

  • Suliffissanut periarfissarpassuaqalissaatit. Suliffiit amerlanerit piumasaqaatigilernikuuaat ilinniaagaqarsimanissat.
  • Aningaasarsiaqarnerulernissamut periarfissaqalissaatit.
  • Suliffiup tungaatigut ineriartornerujussuaq aqqusaassavat, kisianni aamma minnerunngitsumik inuttut aamma inuiaqatigiittut ineriartussallutit.

 

Ilinniarnertuunngorniarnermi suna piumasaqaataava?

Ilinniarnertuunngorniarfimmi aallartissaguit 10. klassimi killiffimmi karakterini, suliniummik suliaqarnermi inaarutaasumillu tamanit pinngitsoorani misilitsiffiu­sussani tamani minnerpaamik karateri E angusimassavat. Aammattaaq ilinniartut   immikkut akuerineqarnikkut aallartissinnaapput, kisiannili ilinniagaqalernissamik qulakkeerinniffigineqanngillat. Periarfissaq kingulleq tassaavoq ilinniagaqalernissa­mut misilitsinnikkut ilinniagaqarnermik aallartinneq. Taanna meeqqat atuarfianni naammassereernerup kingornatigut siusinnerpaamik upernaakkut ingerlanneqassaaq. Tamatumani innersuunneqassapput tiguneqarnissamut atatillugu piumasat annertunerusut.

 

Ilinniarnertuunngorniarneq nutaaq imaappoq

Ilinniarnertuunngorniarneq tunngaviusumik ilinniagaqarnermik aamma ilinniakkami sammivimmik ilinniagaqarnermik aaqqissuussaavoq.

Tunngaviusumik ilinniarneq

Tunngaviusumik ilinniarneq ukiup affaanik sivisussuseqarpoq. Tunngaviusumik ilinniarneq ilinniarfinni tallimani tamani assigiippoq. Tunngaviusumik ilinniakkat kalaallisoorneq, qallunaatoorneq, tuluttoorneq, matematikerneq, kulturimik ilinniarneq, science, ilinniarnermi periutsit aamma timersorneq ilinniarneqartarput. Tunngaviusumik ilinniarnerup kingorna ilinniakkap sammivia aallartinneqartarpoq.

 

Ilinniakkap sammiviani ilinniarneq

Ilinniakkap sammiviani ilinniarneq ukiut pingajuata affaanik sivisussuseqarpoq.

Ilinniakkat sammivii toqqarneqarsinnaasut katillugit arfineq pingasuupput.

Ilinniarnermik aallartinnginnermi ilinniakkap sammivia siumut nalunaarutigineqas­saaq. Siumut nalunaaruteqarneq pituttuinngilaq, tunngaviusumillu ilinniarnermi ilinniakkap sammivianik inaarutaasumik toqqaasoqartarpoq.

 

Ilinniakkap sammivianik toqqaaneq

Nutaaq tassaavoq ilinniarnertuunngorniarfimmi aallartinnginninni ilinniakkap sammivia toqqakkat nalunaarutigissagakku. Soqutigisat malillugu aammalu kommu­nerisanni ilinniakkap sammivia ilinniarneqarsinnaasoq malillugu ilinniakkap sammivia toqqassavat. Ilinniakkap sammivia kommunerisanni neqeroorutigineqan­ngippat kommunerisavit avataani ilinniakkap sammivianik toqqaasinnaavutit.


GU-mi ilinniarnermi ilinniagassat suunersut maani atuarsinnaavatit.

Maluginiaruk: GUX Nuuk ilinniakkanut saniatigut sammivimmik neqerooruteqarmat, Timersorneq. Uani atuaqqigit.

Ilinniagassat suunerinik paasissutissat uani pissarsiarikkit.

GU-mi ilinniarnerit ukunani ingerlanneqartarpoq:
Ilinniarnertuunngorniartarneq, Aasiaat

Ilinniarnertuunngorniartarneq, Sisimiut (Teknikkimik Ilinniarfik, KTI)

Ilinniarnertuunngorniartarneq, Nuuk 

Ilinniarnertuunngorniartarneq, Qaqortoq (Campus Kujalleq)

Saqqaa Sunngu pillugu