Bruxelles-imi suliffimmik misiliineq

Suliffimmik misiliiffik 
 

Bruxelles-imi Kalaallit Nunaata sinniisoqarfia.
 

Piffissat

1. september-imiit 31. januari-mut. Sap. ak.-nut nal. ak. suliffiit: 37.
1. februari-miit 31. juli-mut. Sap. ak.-nut nal. ak. suliffiit: 37.
 

Sinniisoqarfimmi inissisimaneq

Suliffimmik misiliisoq sinniisoqarfiup allaffeqarfianiissaaq, siunnersortinilu paasissutissanik ujaasinerani suliaqarneranilu ikiortassallugu. OLT-mut tunngaasunik ataatsimiinnerni, Kommissionimi, Parlamentimi EU-llu suliassaqarfiini allani ataatsimiinnerni siunnersortini ilagisassallugu, imaqarniliortassalluni, ulluinnarnilu suliassanik allanik suliaqartassalluni il.il.

Sinniisoqarfimmi makku sulipput:

• Ministerrådi ataaseq
• Aallartitaqarfiup allattaa ataaseq
• Allatsi ataaseq aamma
• Suliffimmik misiliisoq

Suliat misiliinerpit nalaani paasisaqarfigi-sinnaasatit

Sinniisoqarfiup suliassaraa Kalaallit Nunaata EU-mi soqutigisaasa isumaginissaat, taamaammallu EU-mi susassaqarfiit ingerlaavartumik attaveqarfigineqarput (Kommissioni, Parlamenti Rådilu).

Kalaallit Nunaat EU-mut ilaasortaanngilaq OLT-mili aaqqissuussineq aqqutigalugu EU-mut attaveqarluni; OLT tassaavoq Oversøiske Lande og Territorier (EU-p avataani nunat nunallu immikkoortui). Tassani akulikitsumik ataatsimiittoqartarpoq ataatsimiinnernilu taakkunani ilaasarnissat suliassavit ilagissavaat. Kalaallit Nunaat OLT-mi ataatsimiititalianut assigiinngitsunut ilaatitaqartarpoq - soorlu avatangiisit niuernerlu pillugit suleqatigiissitani.

Kalaallit Nunaata EU-mut isumaqatigiissutaasa atortussanngortinneqarnissaannut ataqatigissaariffittut sinniisoqarfik suliaqartuuvoq, suliffimmillu misiliisoq siunnersortini aapparalugu tamakkuninnga suliaqartussaatitaassaaq.

Tamakkua saniatigut tusagassiorfiit, interneti EU-Parlamentillu ataani ataatsimiititaliat ataatsimiinnerini peqataanerit aqqutigalugit, sulisullu allat ilagalugit, paasissutissanik katersinissaq suliassat ilagaat.

Aammattaaq sinniisoqarfik arlalinnik allanik suliassaqarpoq, ilaatigut Kalaallit Nunaanni pissutsit pillugit EU-mi paasissutissiinerit, Kalaallit Nunaanni pissutsit pillugit paasissutissanik ingerlatitseqqiineq (soorlu takornariaqartitsineq pillugu), Kalaallit Nunaanni suliffeqarfiit pisortallu suliffiutaasa EU-mi suliniutinut peqataarusuttut ikiorserneri aamma Naalakkersuisut, Inatsisartut Namminersorsullu allaffeqarfiata sullinneri, suliassat Bruxeslles-imi tassanngaanniilluunniit suliarissallugit naleqqunnerusut isumaginerisigut.
 

Suliassamik misiliinermi anguniarneqartoq
 

Pineqartoq tassaavoq ilinniaatigaluni misiliineq. Suliamik misiliineq ilinniartup ilinniagaanut tapertaassaaq, ilinniarfillu akuersissappat ilinniakkap ilaatut aaqqissuunneqassalluni.
 

Misiliisumit ilimagisat

• Inuiaqatigiilerinermik ilinniagaq ingerlaqqiffiusoq ilinniarneqassaaq, soorlu cand.jur., cand.merc.jur assigisaaluunniit,
• Kalallit Nunaata nunanut allanut politikikkut ingerlataanik soqutigisaqarneq,
• Oqaatsinik atuilluarsinnaaneq,
• Tuluttut oqalussinnaallunilu allassinnaaneq,
• Franskisut piginnaaneqarneq iluaqutaassaaq piumasaqaataananili,
• Piumasssuseqarneq naammineersinnaanerlu,
• Ammasuuneq suleqatiginnissinnaanerlu,
• MS Office-imik atuisinnaaneq.

Misiliinermi atugarssarititaasut

Akissarsissutaanngitsumik suliffimmik misiliineruvoq. Taamaattoq misiliisoq qaammammut 380,00 Euro-nik tapiissutisisassaaq.

Aatsaat sulilertoqarsinnaavoq Nunanut Allanut Ministeeriap sillimanisaq eqqarsaatigalugu misiliisussamik akuersinera tiguneqarpat.

Ineeqqamik inissiamilluunniit pissarsinissaq misiliisussap nammineq akisussaaffigaa, taamaattoq aallartitaqarfik inunnik attaveqarfissanik, oqarasuaatit normuinik il.il. pissarsiniarnermi ikiuussinnaavoq.
 

Qinnuteqarnissamut killigititat

• 1. juni, misiliineq 1. september aallartissappat
• 1. december, misiliineq 1. februar aallartissappat.

Qinnuteqaat uunga nassiunneqassaaq

Greenland Representation
Rue d Arlon 73
B-1040 Bruxelles 
E-mailikkut: stagiaire@nanoq.gl mlt. faxikkut: +32 22330966 

Paasisarneroru-sukkuit

Paasisaqarnerorusukkuit saaffigiuk:
Ambassadesekretær Jacob S. Isbosethsen
Tlf. +32 22 33 09 60
e-mail: jsis@nanoq.gl

Kikkut akuerisaasimanersut nalunaarutigineqarajupput juuli/decembari qaammatip qeqqata affaani kingullermi.