Danmarkimi gymnasiani ilinniarluni ilinniarnersiuteqarneq

Danmarkimi gymnasiani (STX-HHX-HTX aamma ukkiuni marlunni HF) ilinniarnerit suli ilinniarnersiutinik tapiiffiusarput

2008-mi meeqqat atuarfianni atuartut naammassisut marloriaataanerannut atatillugu 2008-me 2009-milu ilinnialernissamut piareersarfinni nunami ataasiinnaanngitsumi qinersisoqarsinaanissaanik tamatumalu nassataraa Kalaallit Nunaanni ilinniartut ilinnialernissaminnut Danmarkimi ilinniarsinnaanerat Kalaallit Nunaanni ilinniagaqarnersiuteqaannarlutik.

Taamak aaqqissuussineq massakkut ataavartunngortinneqarpoq taamalillunilu taama qinersisinnaaneq 2010-mi ukiunilu tulliini aamma atuttussaassalluni.

Ineqarnermut, nerisanut immaqalu atuarnermut akiliuteqarpat aningaasartuutit tamakkerlugit ilinniartup nammineq akilertassavai.

Danmarkimi gymnasiani ilinniarnerit pillugit annertunerusumik paasisaqarsinnaavutit (Inuusuttut ilinniarnerata ataani) www.ud.dk atorlugu.

Tiguneqarnissamut piumsaqaat: 9. klasse (imaluunniit Kalaallit Nunaanni meeqqat atuarfianni naammassilluni atuarsimanissaq) tamatumunnga ilaalluni fagit ilaannut piumasat immikkut ittut aammalu ilinniarnissamut pilersaarummik immersuisimaneq.

Ilinniarnissamut akuerineqarnissamut aalajangersakkat anertunerusut gymnasiani ilinniarnissamut akuerineqarnissat pillugit Danmarkimi nalunaarut.

Qinnuteqarneq: Qinnuteqarfissaq ww.optagelse.dk atorlugu imaluunniit gymnasiami ilinnialernissannik qinnuteqarfinni pissarsiarineqarsinaavoq.

Eqqaamajuk: Qinnuteqarfissaammat 1. marts.